O 23 foi o día do libro, e os nenos e nenas de 4º, 5º e 6º de primaria apadriñaron ó resto do alumnado. Aproveitando que ía bo tempo, baixamos ó patio para lerlles os libros que estiveran preparando e todos desfrutamos moito dese momento de lecer e ler.
Esa semana tamén tivemos a visita de Iria Misa, que lle veu contar ó alumnado de 5º e 6º moitas cousas interesantes sobre o seu libro Unha veciña de película, que estiveron lendo durante este curso.
Ademais, tamén veu Oli, escritor de Leocadio, o león, libro que leron os nenos e nenas de 2º de primaria e que puideron desfrutar dunha charla moi amena con el.
Como vedes, unha celebración ben cargada de emocións.
Unha aperta de Bufino!
Ningún comentario:
Publicar un comentario