8M | MULLERES EN LOITA POLO MEDIO AMBIENTE

Dentro do noso proxecto "Medio ambiente non é suficiente" o alumnado estivo traballando sobre distintas mulleres que loitan polo coidado do medio.

RECOLLIDA DE ALIMENTOS

Ola familias!

Dende o equipo de biblioteca queremos invitarvos a participar na actividade "UN QUILO, UN LIBRO". Unha campaña solidaria que consiste no intercambio de alimentos non perecedoiros por libros de segunda man. A actividade levarase a cabo ao longo da vindeira semana, do 9 ao 13 de marzo. Poderedes facer o intercambio na aula de usos múltiples, en horario de 9:00 a 9:30 ou de 13:30 a 14:00. Os alimentos recollidos serán doados ao banco de alimentos. Animádevos a participar!

A REPRESENTACIÓN DA BELA DORMENTE A TRAVÉS DA INDUMENTARIA

A nosa compañeira Bea Fraga ten novidades, unha edición electrónica que recolle un orixinal ensaio sobre o emprego da indumentaria como recurso simbólico e estético nun dos contos máis populares da literatura como é A bela dormente. Podedes acceder a súa descarga gratuíta premendo na imaxe.

N O V I D A D E S

Non deixedes de visitarnos, temos moitas máis novidades á vosa disposición.

INVISIBLE

Dende o club de lectura o alumnado de sexto traballou coa obra Invisible de Eloy Moreno.

Moitas grazas por espertar as nosas mentes, abrir os nosos corazóns e facernos entender tantas cousas coas túas palabras. 

CONTACONTOS ALMUDENA

A nosa compañeira Almudena Janeiro, mestra de Primaria no cole e autora de Máis contos en cantos, visitou as aulas de Infantil, 1º e 2º de Primaria cunha sesión de contos e música. Moitas grazas Almudena, volve pronto!

O RATIÑO PRESUMIDO

O alumnado de Educación Infantil desfrutou hoxe dun contacontos do máis coeducativo da man da compañía Trinke Trinke Teatro. Pasámolo xenial!